USJ-R, USPF sud sa semifinal sa Nestea Beach Volley National Final

CEBU, Philippines - Gipukan nilang Jade Ilut ug Jason Uy sa University of San Jose-Recoletos (USJ-R) ang defending champion Mike Abria ug Jade Becaldo sa University of the Visayas (UV) sa ilang kulbahinam nga duwa, 21-20, 26-24, 15-11 aron moabante sa semis sa men's division sa 16th Nestea Beach Volley National Final kagahapon didto sa Boracay Island.

Sila si Ilut ug Uy mitikang sa sunod hugna uban sa laing Cebuano tandem Edmar Bonono ug Edward Ybañez sa University of Southern Philippines (USPF), kinsa midaog batok sa Holy Cross of Davao College, 21-15, 19-21, 15-11.

Napilde man tuod ang UV, apan wala pa sila hingpit matagak kay moduwa pa sila batok sa University of Perpetual Help System-Laguna o sa University of Mindanao-Tagum sa loser's bracket. Sa higayon modaog ang UV sud sila sa semis ning tulo ka adlaw'ng torneyo nga gipaluyohan sa Nestle Phils.