CEBU, Philippines - Tuyo sa reigning CESAFI men's basketball champion Southwestern University (SWU) Cobras nga mobangon
human masugamak sa una nilang duwa ngadto sa Ateneo Blue Eagles dihang makigsangka kini sa University of the East
(UE) Red Warriors sa pagpadayon sa 7th FilOil Flying V Hanes Premier Cup karong adlawa didto sa The Arena sa San
Juan City.
Ang SWU Cobras moharong sa EU Red Warriors sa alas-2:30 sa hapon human sa engkuwentro tali sa Jose
Rizal University (JRU) Bombers ug sa San Beda (SB) Red Lions.
Sa gihapon, ang SWU nga maoy labing una nga provincial team gidapit pagduwa sa pito na ka tuig nga liga sa
mga dekalibreng collegiate teams sa nasud, magsalig sa ilang tulo ka African nationals nga sila si Fabrice Siewe, Landry
Sanjo ug Justin Aboude.
Naglaum sab kini sa suporta sa mga local top gunners sama ni Bonnie Guillena, Monbert Arong, Bernie
Bregondo, Darryl Goloran ug John Pajantoy ug ingon man sa ilang bag-ong recruits nga sila si Jabe Bautista, Nilton John
Otida ug Mark Panerio. (BANAT NEWS)