Mbenga gikahadlokan sa Rain or Shine
CEBU, Philippines - Ang import sa Barako Bull Energy Cola nga si ex-NBA giant DJ Mbenga maoy dakung suliran sa Rain or Shine Elasto Painters sa ilang sangka karong adlawa sa pagpadayon sa 2013 PBA Commissioner's Cup didto sa Smart Araneta Coliseum.
Paninguhaon sa Rain or Shine nga ilang mapilde ang Barako Bull aron makaangkon kini og "twice-to-beat" advantage sa quarterfinals.
Apan sa dili pa ang Rain or Shine-Barako Bull showdown sa alas-7:30 sa gabii, magsangka una ang Alaska Aces ug Air21 Express sa pasiunang duwa sa alas-5 sa hapon.
Sa kasamtangan, ang Rain or Shine mipahiluna sa ikaduhang dapit bitbit ang 8-4 nga baraha ug kun modaog sila karon ilang sangkaon ang No. 7 seed Talk N' Text Tropang Texters o Meralco Bolts sa quarterfinals.
Apan si Rain or Shine coach Yeng Guiao miingon nga dili sayon ang ilang laraw tungod sa presensiya sa kanhi back-up center sa Los Angeles Lakers nga si Mbenga.
- Latest
