CEBU, Philippines - Gidispatsar sa Team Olkas ug Bagtik ang tagsa-tagsa nila ka mga kontra aron ihikyad ang championship match sa 1st Lou Ornopia Basketball Tournament didto sa Calambua open court sa San Remigio, Cebu.
Ang top seeded nga Olkas nga nagbaton og twice-to-beat advantage sa semifinals mipapha sa Ilihan, 77-70, samtang ang Bagtik mipukan sa San Miguel, 74-71.
Nangulo sa Olkas si Jei Dablo kinsa maoy tournament leading scorer mipabuto og 34 puntos aron seguraduhon ang kadaugan sa iyang koponan.
Sa ilang bahin, nag-agi pa og lisud ang Bagtik human sila gilubong og 11 puntos sa San Miguel, 32-43, sa first half sa wala pa mi-epekto ang ilang third quarter rally nga maoy mipadaog kanila.
Ang usa ka buwan nga torneyo usa sa mga highlights sa kapistahan sa Brgy. Calambua sa Abril 13,pahinungod sa ilang mahal nga patron San Vicente Ferrer.
Ang kampiyon mobulsa og P10,000, samtang ang second hangtod sa fourth placers makadawat og P7,000,P5,000 ug P3,000.
PUNTOS MATAG USA:
Unang duwa:
Olkas (77) - Dablo 34, Barro 19, Barbe 12, Imbong 6, Baclohan 3, Ducay 3
Ilihan (70) - Romagos 20, Flores 13, Inoc 9, Ruva 8, Prescillas 6, Arnoco 6, Gualin 4, Neis 2, Fuentes 2
Ikaduhang duwa:
Bagtik (74) - Guma-Guma Lopez, 25, Talisik 13, Cesa 12, Migabon 12, Frasco 10, Pepito 2
San Miguel (71) - Zido 18, Agudo 16, Dabalos 12, Ruelo 10, Argawanon 7, Pantaleon 4, Domalaoco 2, Arellano 2