CEBU, Philippines - Sugdan sugod karong adlawa ang eskrima summer training sa Cacoy Doce Pares didto sa ilang gym sa dan C. Padilla, ning dakbayan.
Taud-taud nang gisugdan ang pag-pangrehistro ug mokabat lang sa 30 ka mga estudyante ang ilang dawaton aron sab dili sila magpunsisok sa benyu ug maayo silang tanan pagkatudlo nga maoy tumong sa ilang summer training.
Ang registration fee mokabat lang sa P700 sulod sa usa ka buwan nga training ug mahimong musalmot ang mga batan-ong nga mahiligon sa eskrima--lalaki man o babaye.
Matod pa ni GM Dennis Cañete, anak ni Supreme Grand Master Ciriaco "Cacoy" Cañete nga ang mga trainors mao silang world eskrima champions John Mac ug Miko Cañete nga iyang anak.