CEBU, Philippines - Banatan na ang semifinals sa 1st Lou Ornopia Basketball Tournament karong adlawa didto sa Calambua open court sa lungsod sa San Remigio sa amihanang bahin sa Sugbu.
Tulo ka teams -- sa San Miguel, Bagtik ug Ilihan ang parehong nagbitbit og 1-2 nga baraha paghuman sa eliminasyon. Apan ang San Miguel maoy nakakubit sa No. 2 pinaagi sa mas taas nga tie-break output. Ang Bagkit maoy miangkon sa ikatulo, samtang ang Ilihan mikapyot sa ikaupat nga puwesto.
Ang No. 1 nga Olkaz-Calambua nga miharos sa tulo ka duwa sa eliminasyon nakaangkon og "twice-to-beat" advantage batok sa Ilihan.
Ang usa ka buwan nga torneyo usa lamang sa mga kalihukan sa tinuig nga kapistahan sa ilang mahal nga patron San Vicente Ferrer sa Abril 13.
Ang kampiyon mobulsa og P10,000, samtang ang ikaduha hangtod sa ikaupat nga dapit makadawat og
P7,000, P5,000 ug P3,000.