CCB, FYA laraw moposte og 2-0 sa CIPU

CEBU, Philippines - Laraw sa defending champion Canillas Customs Brokers (CCB) ug F. Llamas Youth Association (FYA) nga mokulit sa ilang ikaduhang daog sa pagpadayon sa 2nd Cebu International Port Users (CIPU) basketball tournament karong adlawa didto sa Barangay Tisa gym, ning dakbayan.

Ang duha parehong nagbitbit  og 1-0 win-loss records ug buk-on kini karong adlawa.

Sa pasiunang duwa sa alas-12 sa udto, ang Avenido Brokers makigsangka sa McNels,  sundan sa engkuwentro tali sa Canillas ug  FYA sa ala-1:30 sa hapon.

Sa  main game nga gikatakda sa alas-2:30 sa hapon, ang mga pildero sa opening day nga Ynah Brokers ni Eric Carmen ug Gonzales Brokers ni Art Gonzales, nagtinguhang mokulit sa una nilang daog.