CEBU, Philippines - Kulbahinam nga aksiyon ang masaksihan sa championship matches sa Talisay City Beach Volley tournament karong adlawa didto sa Talisay City National Historic Shrine Liberation Monument sa Brgy. Poblacion sa nahisgutang dakbayan.
Sa dili pa ang kulbahinam nga sangka karong alas-2 sa hapon, himuon una ka selebrasyon sa kasumaran sa 68th American Landing Anniversary.
Unang magsangka mao ang mga University of Southern Philippines Foundation (USPF) nila ni Apple Eve
Saraum ug Rochelle Rica nga mosuway pagsakmit sa women’s championship batok sa Southwestern University (SWU) nila ni Therese Rae Ramas ug Anna Benova Sabanal.
Sa men’s division title magbagat ang USPF nila ni Edward Ybañez ug Ednar Bonono ug sa University of San Jose-Recoletos (USJ-R) nilang Jayson Uy ug Jade Illut.