Golf team misakmit sa liderato sa Cekalco

CEBU, Philippines - Midaug ang Team Golf ni skipper Kit Arellano batok sa Team Charlie, 84-73 kaniadtong Sabado sa gabii aron maghupot og 10-4 nga baraha ug sakmiton ang solong liderato sa pagtapos sa elimination round sa nagpadayong Center Katipunan A. Lopez Christian Organization (CEKALCO) 2013  basketball tournament didto sa  A. Lopez open court sa barangay Labangon, ning dakbayan.

Nagtabla unta ang Golf ug ang Hotel sa team standing sa parehong 10-4 nga baraha apan tungod sa simple tie, ang Golf maoy nakakuha sa unang pwesto tungod kay ila man gipilde ang Hotel.

Ang mainit ug lisod  pugngan nga tandem nilang Gino Almencion ug Arellano maoy naghatag ug kalig-on sa Golf kinsa wala gyud mabiya sa kinatibuk-ang duwa alang sa ilang 11 puntos nga kadaugan.

Sila sab maoy nangu sa opensa sa Golf dihang mihakot sila'g 29 ug 26 puntos, matag usa samtang miamot og 13 puntos ang ex-USC Warrior nga si  Richie Garcia.

Ang Charlie  gipangulohan nilang Coronel Baculio ug  Estoy Panerio kinsa pareho sab mibahug og double figures sa ilang 17 ug 16 puntos.

Tungod sa maong kapildehan, midailos ngadto sa ikatulong pwesto ang Charlie samtang ang Delta maoy naka-angkon sa ika-upat nga pwesto.

    Puntos matag usa:

   GOLF (84)- Almencion 29, Arellano 26, Garcia 13, Barellano 7, I. Delos Reyes 5, Hortezano 2, Bentozal 2.

    CHARLIE (73)- Baculio 17, Panerio 16,

Besties 14, Gubaton 10, Dolera 4, Do. Panugaling 4, Da. Panugaling 4, Molejon 2, Bacho 2.