UV milangkat sa Men's Title sa Nestea Beach Volley

CEBU, Philippines - Ang University of the Visayas (UV) sa tandem nilang defending men's national champion Jade Becaldo ug Mike Abria,

maoy mangulo sa laing lima ka Cebu teams alang sa national finals sa 16th Nestea Beach Volley  sunod bulan didto sa

Boracay Island.

 Kini human sila si Becaldo ug Abria nanghawod sa men's division sa Visayas-Mindanao regional eliminations

pinaagi sa pagpilde sa Mindanao State University (MSU)-Tawi-Tawi, 21-15, 21-15 sa finals kagahapon didto sa Bas

daku didto sa lungsod sa Moalboal, Cebu.

 Sa wala pa nila langkata ang  korona, sila si Becaldo ug Abria miduwa una nilang Romel Pepito ug Relan

Taneo sa Southwestern University (SWU) uban ang 21-18, 26-28, 15-10 nga kadaugan sa ilang quarterfinal round.

 Gipilde sab nilang Becaldo ug Abria silang Jade Ilut ug Jason Uy, 21-17. 21-17 aron makaangkon og

pasaporte alang sa finals batok sa Tawi--Tawi.

 "First we are very proud and happy for our players.Then we are very thankful to God for giving us this

opportunity to defend our title and we also thank the Gullas family for giving us the support," matud pa ni UV coach Raffy

Briones.

 Sa laing bahin, ang University of Southern Philippines Foundation (USPF) ug University of San Jose-Recoletos

(USJ-R) wala moduwa alang sa ikatulong dapit, apan ang duha ka kampo nakakuha na'g luna alang sa national

championships uban sa UM-Tagum ug Holy Cross of Davao-College.

 Pakyas hinuon ang mga Sugbuanon pagkulit og dobleng kadaugan ning duha ka adlaw nga torneyo nga

gipadagan sa Nestle Philippines dihang sila si Rapril Aguilar ug Danika Gendrauli sa SWU nasugamak ngadto nilang

Lourdilyn Catubag ug Karen Kay Quilario sa UM-Tagum sa women's final, 18-21, 18-21.

 Apan bisan pa sa ilang kapildihan, ang SWU Lady Cobras moabante gihapon sa finals uban sa USPF ug

University of San Carlos (USC). (BANAT NEWS)