QCU nakadepensa sa ilang titulo sa men's open sa Aboitiz Cup

CEBU, Philippines -  Miiskor og 3-0 nga kadaugan ang Queen City United (QCU) ang karibal nga Hiroshi FC aron mosakmit og

back-to-back champions sa premiere men's open division sa 15th Aboitiz Cup football tournament sa miaging adlaw didto

sa Cebu City Sports Center (CCSC).

 Naghaguros nga tira ang gihimo ni Ariel Cahilig sa sayong bahin sa first half mipakaging sa Hiroshi, kinsa

nagkagidlay human gisagpa og "red card" ang usa sa ilang top gunner nga si Harold Buot.

 Ang QCU padayong mikontrolar sa duwa nga  naghatag og agianan ni Junard  Aguilar pag-iskor atol sa

second half.

 Bisan og wala moduwa ang duha ka alas sa QCU tungod sa injury, wala gihapon kini kawad-i sa ilang paglaum

mipatuman sa ilang solidong depensa batok sa mga ataki sa Hiroshi.

 Ang penalty shot ni Nigerian Xamson Olinayi maoy miselyado sa kadaugan sa QCU ug "back-to-back" alang

ni coach Mario Ceniza isip head coach sa koponan.

 Hinuon, ang Hiroshi may ikapasigarbo sab human ang ilang 38-above milampos pagdepensa sa ilang titulo

human nila sirohi ang ERCO FC, 2-0.

 Ang mga langyaw'ng magduduwa sa Hiroshi maoy   naka-goal sa maong kadaugan. Unang naka-goal si Panny

Kyriakopiulos  sa 26th ug nasundan kini ni Yamaguchi Noriyuri sa 45th.

 Sa laing bahin, ang University of Southern Philippines  Foundation (USPF)  miiskor sab og 2-0 nga daog batok

sa University of San Carlos (USC) aron sakmiton ang Under-23 title.

 Si Jasper Gerarman maoy mihatag sa unang goal alang sa USPF sa 36th, gisundan ni Albert Tejad sa 72nd

alang sa  maong kalampusan. (BANAT NEWS)