CEBU, Philippines - Gisugat og daog ang Green ug White teams sa pagsikad sa 3rd Roadstar Inter-color basketball tournament didto sa San Carlos Seminary gym sa barangay Mabolo.
Nagmangtas dayon ang Green pagsugod diin igo lang nila gipaiskor og dos puntos ang Black sa tibuok first period aron moposte og 10-2 nga bentaha. Milawom pa ang lubong ngadto sa 25 puntos sa halftime, 29-4.
Mi-rally ang Black sa second half, apan wala kini mosalir kay nagpa-uwan og mga puntos ang Green sa tandem nilang Ryan Centillas ug Dodong Mangaron nga mirehistro og 14 ug 10 puntos matag usa.
Walay bisan usa ka magduduwa ang nakaiskor og double figures alang sa Black nga gipangulohan ni Roger Donaire, kinsa igo lang mikimada og otso puntos.
Sa laing bahin, si Glenn Cuico milansang og 19 puntos aron pangulohan ang White team alang sa ilang 1-0 nga baraha.
Samtang ang pilderong Red team gipangulohan sab ni Remoden Sacamay pinaagi sa iyang nuybe puntos ning maong torneyo nga gipasiugdahan ni Dreyfuss Ang, ang tag-iya sa Roadstar.
Ang tinuig nga torneyo mosubay og double round-robin format diin ang top two teams maoy magsangka sa knockout finals, samtang ang No. 3 ug No. 4 mag-ilog sa third place trophy.
PUNTOS MATAG USA
Unang duwa:
GREEN (58) - Centillas 14, Mangaron 10, Gela 8, Gunayan 8, Delicana 4, Masocol 4, Canitan 2, Aguelo 2, Carambias 2
BLACK (46) - Donaire 8, Dimaymay 6, Villa 5, Indangan 4, Omamalin 4, Salera 4, Galendez 4, Velasco 4, Bentulam 3. Canlom 2, Campos 2
Ikaduhang duwa:
WHITE (67) - Cuico 19, Angcon 9, Caballa 8, Sombrado 6, Lumbay 6, Abrenica 5, Ligaray 5, Macayabas 4, Ang 4, Dabon 2, Labay 2, Umamalin 1
RED (50) - Sacamay 9, Alivo 8, Nocellas 6, Casas 6, Roselo 5, Socorro 5, Miscala 4, Pabelona 3, Alivo 2, Alegujo 2, Gunayan 1, Menesterio 1(BANAT PALARO)