5 ka Cebuano jins morepresentar sa nasud

 CEBU, Philippines - Lima ka Cebuano taekwondo jins ang  naapil sa National Team nga morepresentar sa Pilipinas sa ASEAN Taekwondo Championships nga mosikad sa Mayo 9 didto sa Myanmar.

 Sila  mao  si  Asian Juniors Taekwondo Championship veteran ug Korea Open bronze medalist Rinna Babanto, Moses Bullicer, Miguel Calamba, Nichole Maurin ug Maegan Bugarin.

 Napili ang lima nga malakip sa nasudnong koponan human sa ilang maayong performance  atol sa national team tryouts  ug evaluation sa miaging buwan didto sa Manila.

 Ang lima  mipaubos karon og subsob nga ensayo ubos sa giya ni coach Avenger Alob ug national team veteran Glenn Lava.

 Ang ASEAN Taekwondo Championships magsilbe nga pasaporte  sa  mga  Filipino jins alang sa Asian Junior Championships sa Hunyo didto sa Jakarta ug World Championships didto sa Bali, Indonesia.

 Human sa ilang kampanya didto sa Myanmar, ang lima ka   Cebuano  jins  gipaabot nga mouban sa ensayo nila ni Mikeala Calamba ug Glenn Lava, duha ka mga Cebuano nga una nang nalakip sa Philippine Team.  (BANAT PALARO)