TRAP mohimo'g serye nga mga aktibidades

CEBU, Philippines - Mga serye nga kalihukan ang gihan-ay sa Triathlon Association of the Philippines (TRAP) sa tuyo nga molambo pa ang

abilidad ug  kahibalo sa local triathletes, coaches ug  ingon man  technical officials.

 Sugdan kini sa triathlon camp sa Marso 24-26 didto sa Sacred Heart School-Ateneo de Cebu sa barangay

Canduman sa dakbayan sa Mandaue.

 Pagadumalaon kini ni national youth developmental coach Melvin Fausto.

 Matud pa ni Fausto nga kinsa kadtong nisalmot sa first edition sa training camp dinhi bulagon gikan sa bag-o

aron pagseguro nga aduna sila'y bag-ong makat-onan.

 Tanang mga kalihukan sa  Tri Camp nakalinya uban sa TRAP's National Junior Grassroots Development

Program.

 Adunay himuon nga mini-sprint triathlon, sundan sa assessment sa mga partisipante diin si Fausto mismo ang

mohimo.

 Human sa assessment, ang campers suwayan sa ilang nahibaw-an dihang magtigi sila sa Cebu leg sa National

Age-Group Trialthon sa Abril 6-7 didto sa  Alegre Beach Resort.

 Ang kalihukan magsilbe usab nga qualifier sa Youth Olympic Games.

 Ang TRAP official nga si Oscar 'Boying' Rodriguez Jr.  naglaum nga ang mga local triathletes, kinsa mosalmot

sa maong kalihukan mahagpatan sa national coaches ug mahimong kabahin sa YOG sa Agosto didto sa Nanjing, China

sama sa managsuong Chiongbian nga sila si Justin ug Yuan.

 Gawas sa NAGT, TRAP may gitakda sab nga technical workshop alang sa officiating officials sa Abril 4-6 sa

wala pa matino nga binyu. (BANAT NEWS)