CEBU, Philippines - Ang Maynilad-Cebu nga gibidahan sa Sacred Heart School-Ateneo de Cebu (SHS-AdC) Magis Eagles walay kukaluoy nga milubong sa Cavite-Christ Value School, 97-28 pagsugod sa Seaoil National Basketball Training Center (NBTC) Elite League national finals kagahapon didto sa Ynares Sports Arena sa Pasig.
Ang pointguard nga si Rendell Senining maoy nangu sa Magis Eagles sa iyang 18 puntos.
Karong adlawa, ang two-time NBTC national champion nga Magis Eagles, mosuway pagkulit sa ilang ikaduhang daog dihang sangkaon nila ang Davao sa alas-8 sa buntag. Inig ala-1 sa hapon, ang Magis Eagles makigsangka sa NLEX-La Union. (BANAT SPORTS)