Fifth fight dili na angay – Barrera

CEBU, Philippines -  Alang ni Mexican legend Marco Antonio Barrera dili na kinahanglan pa ang "fifth fight" nilang Juan Manuel Marquez ug Manny Pacquiao.

  Si Barrera nga  ania sa Sugbu aron mohatag suporta sa iyang boksidor nga si Moises Fuentes  nagkanayon nga wala siya'y nakitang punto aron ipahigayon pa ang rematch sa duha ka boxing superstars.

 Si Fuentes mosuway pag-ilog sa WBO light flyweight title ni Donnie Nietes sa main event sa Pinoy Pride XVIII karong gabii didto sa Waterfront Cebu City Hotel and Casino.

 "Why make a fifth fight?” matud pa ni Barrera atol sa press conference kagahapon didto sa The Event Centre sa SM City- Cebu . "I am not sure who will win and for me there is no point in doing a fifth fight," dugang pa niya.

 Mitug-an hinuon si Barrera nga kun madayon ang fifth fight, adto siya modapig ni Pacquiao kay sa iyang kababayan nga si Marquez.

 "Pacquiao is a good friend and a good person," matud pa ni Barrera.

 Natahap si Barrera sa gipakitang kusog ni Marquez niadtong Disyembre 9 diin iyang gipatumba sa sixth round si Pacquiao.

 "He (Marquez) didn’t change his style he only got stronger, he has a good doctor maybe," segun pa ni Barrera.

 Si Marquez  gidudahan  nga migamit og ilegal nga pampalagsik atol sa ilang sangka ni Pacquiao. (BANAT SPORTS)