3rd MAD Run sa Marso 10

 CEBU, Philippines - Andam na ang tanan alang sa 3rd Make A Difference (MAD) Run nga gitakda sa Marso 10 nga manukad ug matapos didto sa Lahug Barangay Hall, ning siyudad.

 Si  Lahug barangay councilor  Mary Ann delos Santos miingon nga gibalik nila ang maong lumba aron pagdasig dili lang sa mga taga-Lahug, apan sa tanang mga health enthusiasts sa pagdagan.

 Ang kategoriya nga tigian naglakip sa 16K, 10K ug 5K.    Ang registration fee nagkantidad lang og P150, libre na ang singlet ug snacks.

 Usa sa mga organizers nga si Joel Garganera nagkanayon nga barato kaayo ang registration fee sukwahi sa naandan karon nga lumba nga nagkantidad og P350 ngadto sa P500 alang sa mga long-distance race.

 Gawas sa medalya sa top three finishers, ang top 10 placers sa 16K ug 10K makadawat usab og P500 matag usa.

 Mahimong magparehistro didto sa Runnr sa Ayala Center-Cebu, Abellana National School, Citigym sa

Waterfront Cebu City Hotel and Casino ug Lahug Barangay Hall. (BANAT SPORTS)