CEBU, Philippines - Mikulit sa ilang ikalimang daog ang team Echo human nila gipilde ang Delta, 109-99 sa Center Katipunan A.
Lopez Christian Organization (CEKALCO) basketball tournament niadtong Sabado didto sa A. Lopez open court sa barangay Labangon.
Ang Echo naghupot na karon og 5-6 nga baraha, apan ang Delta gihapon ang nag-una sa ilang 8-3 win-loss record.
Unang miabante ang Delta, 24-16 pinaagi sa pagtimon nilang Bebong 'Big Boy' Estrada ug Gany Sinag, apan wala magpalupig ang Echo, kinsa misukli og 43-24 rally didto sa second period aron ilogon ang labaw, 59-48 sa halftime.
Si Donald Catong miiskor og 31 puntos aron pangulohan ang Echo, gisundan ni Nelson Solana sa iyang 20 puntos. Samtang ang napildeng Delta gipangulohan ni Julius Gutierez nga mitikdol og 48 puntos, si Gany Sinag miamot og 29 puntos.
Sa laing duwa, ang Alpha miiskor og "come-from-behind" nga kadaugan batok sa Bravo, 87-80 alang sa ilang 4-7 nga baraha.
Si Tata Maspiñas miposa og 24 puntos ug si Francis Philip Nacar midugang og 20 puntos alang sa kadaugan.
Ang Alpha gipangulohan nilang Dondon Yap ug Kenneth Beltran nga nagkumboya og 42 puntos.
PUNTOS MATAG USA
Unang duwa:
ECHO (109) - Catong 31, Solana 20, Dianon 13, Romariz 10, Aspera 9, Villarosa 8, Yamo-ay 6, Ducayon
6, Desoyo 3, Macalisang 3
DELTA (99) - Gutierez 38, Sinag 29, Estrada 15, Ho 12, Gonzaga 5
Ikaduhang duwa:
BRAVO (87) - Maspiñas 24, Nacar 20, Tenchavez 10, Codilla 7, Castro 7, F. Desoyo 6, Arnibal 5, Aves 2,
Loayon 2, Perino 2, Arnaiz 2
ALPHA (80) - Yap 24, Beltran 18, Tabasa 12, Da. Desoyo 8, Lawrence 6, Templa 4, Navares 2, Billiones 2,
P. Desoyo 2, Cabalda 2 (BANAT SPORTS)