CEBU, Philippines - Kutob na lang sa Pebrero 28 ang registration alang sa MASEMCO-Run for the Heart nga mosikad karong
Domingo didto sa Parkmall grounds sa Mandaue City.
Sa pagka karon, dul-an na sa 500 ka running enthusiasts ang nagpalista sa maong lumba nga gipaluyohan sa
MASEMCO nga gidumala ni Jaque Galapin, Parkmall, Gleam Signage, Runnr, Philippine Spring Water Resources Inc. ug
sa HDP Printing.
Mga kategoriya nga tigian mao ang 10K open, 5K open ug 3K kiddies mixed division (13-anyos ug paubos).
Ang tsirman sa organizing Mandaue Runners Club (MRC) nga si Democrito 'Emok' Branzuela, miingon nga
ang top three finishers sa 10K ug 5K makadawat og ganting salapi ug medalya. Samtang ganting salapi lang ang madawat
sa top three finishers sa 3 kiddies run.
Ang registration fee nagkantidad og P350 alang sa 10K, P300 sa 5K ug P250 sa 3K. Libre na niini ang
singlets ug race bib. Mahimong magparehistro sa Runnr sa Ayala Active Zone, Cebu City Sports Center ug sa Parkmall.
Alang sa dugang mga pakisayod kabahin sa lumba, mahimong mokontak ni Danny (09154022116), Heide
(09237160782) o di ba ni Emok (09276147786). (BANAT NEWS)