Fuentes mo-ko ni Nietes

CEBU, Philippines -  Nangahas si Mexican champion Moises Fuentes nga  mohimo'g

"knockout"  nga maoy bugtong paagi aron mailog niya ang WBO light flyweight title gikan sa mga kamot ni ALA Boxing

Gym superstar Donnie Nietes.

 Sila si Fuentes ug Nietes magsangka sa main event sa "Pinoy Pride XVIII: World Champion vs. World

Champion" karong Sabado sa alas-6 sa gabii didto sa Waterfront  Cebu City Hotel and Casino.

 Sa iyang pakighimamat sa mga sakop sa Cebu media atol sa usa ka press conference, si Fuentes mibahad nga

iyang tumbahon si Nietes aron   maseguro ang iyang kadaugan.

 "Nietes has to fall, I am focus and I prepared hard for this fight, I am confident my hand will be raised after the

fight," matud pa ni Fuentes.

 Giklaro sa manager ug trainer ni Fuentes nga si Jorge Barrera nga ang iyang batos nagbitbit og 26-1, 20KOs

ug dili 16-1, 8KOs.

 Gumikan sa iyang rekord, misamot karon kadelikado si Fuentes alang ni Nietes (31-1, 17KOs) nga

modepensa sa iyang bakus sa ikaduhang higayon.

 Gidugang usab ni Barrera nga moabot sa Sugbu ang iyang igsuon ug Mexican boxing legend nga si Marco

Antonio Barrera aron mohatag og suporta ngadto ni Fuentes.

 "Marco Antonio Barrera is a legend. He inspires me to become a great Mexican fighter like him someday,"

dugang pa ni Fuentes.

 Katapusang  midaog si Fuentes niadtong Oktubre batok sa Puerto Rican legend nga si Ivan Calderon pinaagi

sa fifth round stoppage didto sa Puerto Rico. (BANAT NEWS)