Foxtrot natiklo sa Hotel

CEBU, Philippines -  Nakaipsot ang team Hotel ni skipper Kelvin Cinco batok sa Foxtrot, 83-80  sa Center Katipunan A. Lopez

Christian Organization (CEKALCO) basketball tournament niadtong Biyernes sa gabii  didto sa  A. Lopez open court sa

barangay Labangon.

 Nagtabla ang duha, 16-all  paghuman sa first quarter,   ang Foxtrot milusad og 26-18 run  sa pagpangulo nilang

Moises Craso ug sa sentro niining si Erik Yee aron molabaw og otso puntos, 42-34 atol sa halftime.

 Hinuon,  nakasikit  ang team Hotel, 79-80 sa nahabiling 50 segundos sa duwa ug naangkon nila ang labaw sa

labing unang higayon,  81-80 sa katapusang 12 segundos dayon na sa pagposte og 8-2 nga baraha.

 Gipangulohan ang kadaugan ni Cinco pinaagi sa iyang 26 puntos, gisundan ni Dave Benoya nga adunay 20

puntos.

 Si Moises Craso mikulit og 32 puntos, samtang si Erik Yee mikadlit og 22 puntos alang sa Foxtrot.

 Sa laing bahin,  wala matiwas ang duwa tali sa Team Charlie ni Richard Gubaton ug sa Golf sa nahabiling 2:48

sa second period tungod sa kusog nga uwan sa nahabiling 2:48.

 Sa maong duwa naglabaw ang Charlie  sa iskor nga 35-24.  (BANAT NEWS)

PUNTOS MATAG USA

 HOTEL (83) - Cinco 26, Benoya 20, Tautho 10, Valderama 10, Dosal 6, D. Delos Reyes 6, Berido 3,

Escolar 2

 FOXTROT (80) - Craso 32, Yee 22, Gutang 8, Lazaga 7, Sumalinog 5, Zafra 4, Villamor 2