CEBU, Philippines - Agi'g pagduyog sa pagtimaan sa Cebu City Charter Anniversary ang Cebu Chess Association (CCA) mopahigayon og 2013 Colonnade Mall Kiddies and Ladies Open Chess Tournament karong weekend diha sa activity center sa maong mall sa dalan Colon, ning siyudad.
Ang duha ka adlaw nga torneyo mosubay og 7-round Swiss system.
Ganting salapi ang madawat sa top performers sa matag kategoriya.
Ang organizers modawat og on-site registration pinaagi ni international arbiter Marvin Ruelan gikan sa alas-10 hangtod sa alas-10:30 karong adlawa.
Aduna kini entry fee nga P100. Alang sa dugang mga detalye, kontaka lang si Ruelan sa 0926-7352951. (BANAT SPORTS)