Pipila lang ka oras human siya gi-interbyo sa Radyo Singko ubos sa inadlaw'ng programa nga "Frankahay Ta" nilang Atty. Frank Malilong, Atty. Briccio Boholst ug ni Atty. Omar "Biglang Liko" Redula, ako sab dayon nahinabi si klasmit Boyet Cortes, atong kasosyo sa negosyo ug politika tungod kay hingpit na ang iyang hukom nga magpapili pagka gobernador sa Sugbo.
Tungod lagi kay ako mang gi-ilang suod nga higala kini si Klasmit Boyet, ako dayon siyang gipangutana og unsay iyang dag-anan batok sa mga banggi-itang mga abogado nga silang Hilario "Junjun" Davide III ug Pablo John "PJ" Garcia ug kung andam ba siyang modawat og kapildehan.
Nakurat ako sa iyang tubag tungod kay matod niya, dili mga bar topnotchers ang angayan modumala sa probinsya sa Sugbo kun dili usa ka tawo nga suhito sa negosyo ilabi na sa Agri-business susama kaniya tungod kay pagkaon ang gikinahanglan sa katawhan dili mga swabeng mga pulong o sugar-coated words gikan sa mga traditional politicians.
Dali sab kaayo siyang nakatubag nga andam siyang modawat og kapildehan tungod kay usa siya ka gentleman ug professional apan mas nakurat ako dihang nagkanayon si klasmit Boyet nga makadawat ba kaha sila si Davide ug Garcia kung sila'y mapilde.
Matod pa ni klasmit Boyet nga siya karon ang nag-una sa survey ug niining three-cornered fight sa gubernatorial race, siya maoy nakabentaha.
Apan kinsa man kini si Boyet Cortes ug nganong angayan man siyang mahimong sunod nga gobernador sa Sugbo?
Usa ka student ug political leader si Cortes gikan sa University of the Visayas diin siya maoy student leader sa Political Science Society ug sa Liberal Arts sa maong unibersidad.
Ang iyang kalantip sa promotions ug sa natad sa creative advertisement ug ingon man halapad nga kinaadman sa "food security" ug sa agriculture o "agri-business" maoy seguradong alas nga mapapahimo niyang gobernador. Kaisog ug kursonada maoy gihuptan karon ni klasmit Boyet kinsa modagan isip usa ka Independent candidate.
Matod pa niya, usa sab kini sa makatabang kaniya kay ang kadaghanan sa mga undecided voters adto man mobotar kaniya. Wala siya'y interest nga angay proteksiyonan tungod kay wala siya'y gidalang mayor, konsehal ug kapitan busa susama sa baligyang produkto nga dili kaayo ilado, ang marketing strategy gyud maoy importante ug dinhe duna na sab siya'y bentaha.
Matod pa ni Klasmit Boyet kung misalig kaniya ang San Miguel Corp. nga usa ka dakung komponiya dinhe sa Asia, walay katarungan nga dili niya makumbensir ang katawhan sa usa lang ka probinsiya . Siya maoy marketing arm sa B-Meg Feeds sa tibuok Visayas ug Mindanao ug walay namuhi og baboy, baka, kabaw, kanding, manok, itik, pabo ug gangsa nga wala makaila kaniya ilabi na kadtong migamit ug B-Meg feeds.
Si Klasmit Boyet mi-ingon nga dinhe sa Sugbo diin adunay liboan ka hektaryang agricultural lands, angayan palamboon ang food security ug kini maoy magluwas sa katawhan sa suliran sa nihit nga pagkaon. Sa samang paagi, molambo sab ang kahimtang sa mga mag-uuma.
Gawas sa food security, lakip sa iyang plataporma mao ang "transparency, development of Agro-Tourism, pagtukod og superhighway, pagtukod ug maanindot nga gym ug paghimo'g international festival dinhi sa Sugbo nga tawgon og Asia Tropicana.
Kining tanan iyang matuman kung siya suportahan sa mga Sugboanon sa iyang kawsa ug naghinaut si Klasmit Boyet nga karong eleksyon sa Mayo, siya maoy moguwang mananaug.
MISCELLANEOUS. Congrats to the SHS-AdC for winning the game against the Ormoc City National High School in a dominating fashion following a 102-, 49 massacre last Saturday at the Ormoc Superdome. I was witness when the Magis Eagles of Cebu soared higher into the horizon than the Ormoc Eagles. My trip to Ormoc was sponsored by the amiable couple Talisay City Engineer and future councilor Ariel A. Araw-araw and Talisay City Dentist Dra. Grace Araw-araw, the parents of Ar-G. Thanks to Raffy Senining too and to my sister Gina M. Quindao for the early birthday gifts (my b-day March 11 yet).