Nature's Spring, Radisson Blu,Customs milubong sa ilang mga kaatbang

CEBU, Philippines -  Gipanglubong sa Nature's Spring, Radisson Blu ug The Customs Brokers ang tagsa-tagsa nilang kaatbang sa 2013 Corporate League, usa  ka inter-company basketball tournament didto sa J Centre Mall rooftop sa A.S. Fortuna St., Mandaue City.

 Ang koponan sa Philippine Spring Water Resources Inc.  midemolis sa SkyCable Pacific CaTV sa iskor nga 98-78, samtang ang Radisson Blu mipilde sa One Fitness Gym, 77-63 ug ang Customs Brokers milubong og katunga sa San Miguel Yamamura Packaging Corp.-Mandaue Glass Plant, 87-42.

 Gipangulohan ni Joshua dela Cerna ang Nature's Spring pinaagi sa iyang 18 puntos, diin 10 niini sa sayong bahin sa first period. Nakakuha sab siya'g suporta gikan nilang Edgardo Asignar ug Menguito nga miiskor   og 15 ug 14 puntos matag usa nga nakatabon sa 25 puntos nga nakuha ni War Ybañez sa SkyCable.

 Sa laing bahin, si BJ Gonzales nagmangtas og maayo aron tabangan ang Radisson Blu paglansang og 34-24 sa halftime uban sa tabang nilang Ronald Ludovice ug Ron Alima nga nakapapas sa 20 puntos nga nakuha ni Jay Brigoli alang sa One Fitness.

 Si Blaze Enriquez maoy nangulo sa Brokers pinaagi sa iyang 15 puntos, 11 niini gikan sa third quarter. (BANAT NEWS)