CEBU, Philippines - Gamay'ng kagubot ang mitumaw human sa usa ka PBA game niadtong Biyernes didto sa Smart Araneta Coliseum human kalit nga misung ang mga tinugyanan sa balaod aron dakpon si Rain or Shine Elasto Painters forward Ronnie Matias.
Human sa duwa tali sa Alaska Aces ug Rain or Shine Elasto Painters, pipila ka mga polis nga adunay dala nga ‘warrant of arrest’ ang miduol ngadto sa locker room sa Rain or Shine diin ilang gipangita si Matias.
Nasayran nga si Matias gipasakaan og kaso nga pagpangawat sa usa ka Arlene Mendoza kinsa mipasangil sa PBA cager nga mikawat sa iyang pitaka nga adunay sulod nga P16,000.
Ang maong insidente giingong nahitabo niadtong gaduwa pa si Matias sa nabungkag na nga Philippine Basketball League (PBL).
Sa pakighinabi sa Spin.ph, si Matias daling midepensa sa iyang kaugalingon sa maong pamasangil diin nagtuo siya nga nasaypan lang siya nga maoy nanghilabot sa pitaka ni Mendoza.
“Matagal na po yun, ilang beses ko nang tinanggi na hindi ako ang kumuha,†matud pa niya.