Hotel, Foxtrot mikutlo'g daog sa CEKALCO caging

CEBU, Philippines -  Mirehistro og daog ang Team Hotel  ug Team Foxtrot  batok sa tagsa-tagsa nilang kaatbang sa Center

Katipunan A. Lopez Christian Organization (CEKALCO) basketball  tournament  didto sa A. Lopez open  court.

 Ang Hotel nga gipangulohan ni Kelvin Cinco  nakaikyas  sa  Bravo squad ni playing coach Dondon Tenchavez

sa iskor nga 86-83, samtang ang  Foxtrot milubong  sa  Alpha, 88-70.

 Nagtabla sa makadaghan ang Team Hotel ug ang Team Bravo sa first period hangtod sa third period ug ang

katapusan sa  66-all sa krusyal nga bahin sa fourth period.

 Nakamaneho ang gamitoy'ng   pointguard nga si Fritz Desoyo, kinsa nakapasulod og three-pointer aron

mosikit ang Bravo, 83-84 sa nahabiling nuybe segundos, apan ang skipper sa Hotel nga si Cinco kalmado kaayong

mipasulod sa iyang duha ka free throws sa katapusang dos segundos alang sa kulbahinam nga kadaugan.

  Si Cinco mipugnit og 20 puntos, samtang sila si Dennis Valderama ug Dave Benoya nagkumboya og 28

puntos alang sa ilang 6-2 nga baraha.

 Ang pilderong Bravo gipangulohan ni Tata Maspiñas, kinsa miburak og  24 puntos.

 Silang Fritz Desoyo ug Bryan Codilla pareho sab midughit og double figures alang sa Bravo nga adunay 2-6

win-loss record.

 Sa sayo pa, nainat sa Foxtrot ang ilang win-loss record ngadto sa 4-4 pinaagi sa pagtimon sa higanteng sentro

nga si Erik Yee, kinsa mibahog og 23 puntos.

 Si Kikoy Tabasa mihakot og 15 puntos, samtang silang Arven Zafra ug Moises Craso miabuno og 13 puntos

matag usa sa maong kadaugan.

 Silang Dondon Yap ug Kenneth Beltran maoy nangu sa Alpha sa ilang 21 ug 20 puntos, matag usa. (BANAT NEWS)

PUNTOS MATAG USA

Unang duwa:

 FOXTROT (88) - Yee 23, Tabasa 15, Craso 13, Zafra 13, Lazaga 6, Villamor 6, Gutang 4, Delos Reyes 4,

Elmido 2, Rosales 2

 ALPHA (70) - Yap 21, Beltran 20, D. Desoyo 16, Templa 4, Cabalda 4, P. Desoyo 3, Navares 2

Ikaduhang duwa:

 HOTEL (86) - Cinco 29, Valderama 15, Benoya 13, Saceda 8, Tautho 7, Dosal 6, Navares 4, Elmido 2,

Delos Reyes 2

 BRAVO (83) - Maspiñas 24, F. Desoyo 16, Codilla 12, Arnibal 9, Tenchavez 9, Perino 5, Aves 4, Loayon 4