CEBU, Philippines - Pormal nga gilusad ang ikaduhang edisyon sa "Million Volunteer Run" nga gikatakda sa Pebrero 10 didto sa
Sumilon Road sa Cebu Business Park.
Gipasiugdahan sa Philippine Red Cross (PRC)-Cebu, ang maong lumba naglatid lamang og duha ka short
distance category -- 5K ug 3K fun run aron kahatagan og kahigayonan ang mga beginners sa pagsalmot sa dagan.
Gawas sa mga running enthusiasts, gatosan usab ka mga Red Cross volunteers dinhi sa Sugbu ang gipaabot nga mopartisipar.
Ang registration fee nagkantidad og P200, samtang ang mga estudyante mobayad og P100.
Ang mga negosyante ug executives adunay entry fee nga P500.
Sa maong registration fee, libre na niini ang snacks, certificates of participation ug whistle nga gamit kaayo sa panahon sa kalamidad ug katalagman.
Mahimong magparehistro didto sa PRC-Cebu office
sa Osmeña Boulevard,
tapad sa Rizal Memorial Library.
Alang sa dugang mga pangutana sa "Million Volunteer Run", mahimong motawag sa mga numero 253-9793 ug
412-4140. (BANAT NEWS)