Bullos mikulata sa hapon
CEBU, Philippines - Nagkinahanglan lang og 39 segundos si Cary ‘The Prince’ Bullos sa SELDEF MMA aron i-dispatsar ang Hapon nga si Hideo ‘Death from Tokyo’ Morikawa sa main event sa Universal Reality Combat Championship (URCC) Cebu 8: Survival niadtong miaging gabii didto sa J Centre Convention Hall along sa A.S Fortuna Street, Mandaue City.
Ang reigning URCC Visayas bantamweight champion wa mag-usik og panahon dihang agresibo niya nga gipauwanan og patid si Morikawa kinsa napugos pag-atras sa korner sa wala pa siya madakpi sa bangis nga ‘super-man’ punch sa Cebuano fighter.
Daling nalup-og si Morikawa, apan dihang tiwasan na unta siya ni Bullos, kalit lang giuwang sa referee ang away nga maoy timaan sa kadaugan sa Cebuano champion.
“I really aimed for an impressive fight ug nalipay ko nga nakuha nako,†matud pa ni Bullos. “Dako ko og pasalamat sa akong mga coaches ug sparring partners.â€
Si Bullos mitug-an nga gihagad siya og rematch ni Morikawa ug dili siya magmakuli niini kun mao usab ang itugot sa kadagkuan sa URCC.
Sa supporting main-event, ang teammate ni Bullos nga si Jimmy ‘Silencer’ Yabo mipatug usab sa Mindanao fighter nga si Lorde Rey Yamit sa Python’s Pit sa 9:28 sa first round.
Sayo usab nga gitapos ni Vaughn ‘Spawn’ Donayre sa Yaw-Yan ArDigma ug DEFTAC Cebu ang veteran Mindanao fighter nga si Allan ‘Gameplan’ Atup pinaagi sa armbar submission sa opening round. Sama usab niini ang kadaugan ni Alexander ‘Pilot’ Abraham batok ni Junrey Soquite.
Mokumpleto sa mga midaog mao sila si Arnel Ylanan batok Jhonjier Torbiso, Jeremy Quinonero batok Roel Rosauro, Moises Nodalo batok Ervin Musico ug Leo Rodrigo batok Rodel Rejalde. (FREEMAN)
- Latest
