LLSC squad midaog gihapon batok sa CEC Batch '96

 CEBU, Philippines - Tanang 14 ka players sa Lapu-Lapu Sports Club (LLSC) ang nakaiskor atol sa ilang kadaugan batok sa Cebu Eastern College (CEC) Batch '96 sa iskor nga 91-74 sa ikaduha nilang "exhibition game"  niadtong miaging semana didto sa San  Carlos Seminary open court sa barangay Mabolo, ning siyudad.

 Gipangulohan kini nilang Joel Encallado ug Nilo Bentain nga mirehistro og 18 puntos matag usa. Silang Encallado ug Bentain mao usab ang nangulo  sa ilang 73-69 atol sa una nilang duwa niadtong Enero 11 didto sa Crown

Regency Hotel basketball court.

 Kanunay nga naggukod ang LLSC sa unang-tulo ka kuwarter ug diha na kini makabangon sa final period diin nailog nila ang labaw, 72-69 human sa basket ni Bentain ug dayon na pagkulit og daog.

 Si Rey Sandal nakahimo sab og double figures alang sa  LLSC pinaagi sa  iyang 11 puntos.

 Ang napildeng CEC ni coach Josac Arong, gipangulohan gihapon ni Dreyfus Ang nga mitimbre og 19 puntos, gisundan ni Brian Patino sa iyang 15 puntos ug Allan Chua nga adunay 10 puntos.

PUNTOS MATAG USA

 LLSC (91) - Encallado 18, Bentain 18, Sandal 11, Caro 8, Kiskisan 6, Basia 6, Duran 5, Chucky 4, Bancale 3, Celiz 3, Genolos 3, Vilo 2, Dayak 2, Damolo 2  CEC (74) - Ang 19, Patino 15, Chua 10, To Chip 9, Danayre 7, Ong 5, Tan 5, Centillas 4