CEBU, Philippines - Bisan pa og busy si Manny Pacquiao sa pagtabang sa kampaniya sa iyang asawa alang sa eleksyon, hinay-hinay karon nga milihok ang iyang kampo aron sa pagplantsa sa mga plano alang sa sangka sa Filipino boxing icon karong tuiga.
Sa pakighinabi sa The Philippine Star, ang legal adviser ni Pacquiao nga si Franklin Gacal mibutyag nga giseguro nila ang usa ka tune-up fight ni Pacquiao sa Abril sa dili pa ang rematch batok ni Juan Manuel Marquez sa Septiyembre.
“April is too early for a rematch with Marquez. We will get there. Manny needs to fight someone else to rebuild his confidence in April,†matud pa ni Gacal.
Sa ilang bahin, ang manager ni Marquez nga si Fernando Beltran nagkanayon nga andam mudawat si Marquez sa tanyag nga fifth fight, apan kinahanglan usab nga seguruon sa Top Rank Inc. nga daku ang bahin sa kita nga madawat sa Mexican boxing superstar.
Miingon si Beltran nga angayan lang nga mudawat og dakung salapi si Marquez human usab sa sixth round knockout nga kadaugan niini batok ni Pacquiao niadtong Disyembre 9 didto sa MGM Arena sa Las Vegas.