Unsa gyud ka importante ang exercise?
Pwerteng importantiha!
Kini maoy akong nabantayan personally. Tulo ka tuig na ang nakalabay nahinumdum ko nga seryoso ako sa
pag-exercise, pagduwa og basketbol matag adlaw'ng Sabado ug Domingo ug ang akong hilig sa martial arts.
Nahimo ko na kining routine sukad pa sa akong pagkabata, ang ma-busy sa sports kay lagi outdoor sports ug
activities man atong hilig.
Apan gumikan niining klase sa atong trabaho (pirmeng galingkod) akong nabantayan nga pirme na lang kong
kapuyon, tapulan na sa pag-apil-apil og duwa, unya sa pagkaon, paturagas na lang basta unsay naa diha.
Sa uwahi nakong pagpa-checkup sa nakalabay’ng semana didto ko nakugang kay pwerte naman gyud kataas
sa akong blood pressure nga dili ko makatuong akong maabot.
Ingon ang doktor nga dili daw kompiyansa, ug kinahanglan daw ko og maintenance nga tambal. Mao na ni
‘ron, ang kaniadto aktibo ‘tang lawas dili gyud diay kompiyansahan.
Angkunon ko nga tagdugay na gyud ko matulog usahay alas-12 sa gabii nagmata pa ko, ug alas-3 sa
kaadlawon momata naman sab ko aron motrabaho.
Ang kakulang sa exercise, dili maayong diet, dili hustong lifestyle (kana daw sige og inom), ug ang kakulang sa
pahuway maoy akong gihimo sa nakalabay nga tulo ka tuig.
Mao ni akong naamgohan dihang gipangutana ko sa mga doktor human ko makuhai og blood pressure.
Tambag nako ninyo mga Tirador, ayaw kompiyansa, balik ta og ehersisyo, duwa ta kutob sa mahimo apan
kinahanglang sakto og pahuway ug maayo ang atong diet.
* * *
PAGTULON-AN: Ayaw tudloi ang mga bata pinaagi sa pwersa ug panghudlat. Giyahi sila kun unsay
makadakop sa ilang interes sa imong gitudlo. Pinaagi niini dili lang siya maoy makat-on kay hasta ikaw dunay makat-onan
sa maong paagi.
* * *
PAHIBALO: Ang Alpha Sigma Omega International Collegiate Service Fraternity mopahigayon sa ilang 2nd
Annual Convention sa Enero 19, 2013 sa sama gihapon nga binyu niadtong milabay’ng tuig.
Alang sa mga buot nga motambong adunay bayranan nga P300 matag usa (subject to change) alang sa libreng
pagkaon, snacks, ug giveaway token. Mahimong mo-coordinate sa mga chapter presidents ug GSAC officers ingon man sa
National Board.