Bucks nagmangtas

Bisan ang pagbalik ni Dwyane Wade ug duwa wala makatabang sa Miami Heat tungod kay gilubong sa host Milwaukee Bucks ang Heat, 104-85 kagahapon sa nagpadayong duwa sa NBA didto sa Bradley Center sa Milwaukee, Wisconsin.

Miburak og 25 puntos si Brandon Jennings ug mikabkab og 13 sa iyang 18 puntos si Mike Dunleavy alang sa Bucks kinsa nabiyaan sa third period apan misumbalik didto sa fourth quarter.

Mibalik og duwa si Wade human sa one-game suspension dihang iyang gibansiwag ang iyang paa nga didto moigo sa paa ni Ramon Sessions atol sa 105-92 nga kadaugan sa Heat batok sa Charlotte sa miaging adlaw ug naglingkod dihang napilde ang Miami sa Detroit, 99-109 kaniadtong Biyernes aron mabugto ang ilang six-game winning streak.

"Obviously, the last 48 hours has not gone the way we wanted it to," matod pa ni Miami coach Erik Spoelstra. Sumala pa ni Spoelstra, "We don’t want to make any excuses about it.Milwaukee kicked our butt. They were the better team tonight. We will gather ourselves, get to Orlando and start to work on it."

Mibahug og 24 puntos si Wade sa iyang 10-of-19 shooting uban sa iyang upat ka assists, unom ka rebounds ug may tulo ka turnovers samtang si LeBron James maoy nangu sa Heat sa iyang 26 puntos.

‘’It’s going to take time. We go through this every year. It’s a part of the journey. You have to have these moments throughout the season. To win later in the year, you have something to pull from,’’ matod pa ni Wade.

Ang Bucks naghupot na karon og 16-12 nga baraha ug maoy ilang pinaka-maayo sulod sa 28 ka duwa sukad kini nahitabo niadtong pagbukas sa 2005-06 season 17-11. Ang Miami midailos ngadto sa 20-8 win-loss record ug adunay 6-6 nga baraha sa ilang road games.

Matod pa ni Wade nga ganahan unta ang Heat nga dili mapilde sa ilang road games apan sukwahi ang nahitabo karon.

Si Wade nagkanayon "In the bigger picture, you have to go through these tough moments and have to figure it out as a team,’’ he said. ‘’That’s what we’re doing right now.’’

Miposa og 19 puntos si Luc Richard Mbah a Moute alang sa ug midugang si Larry Sanders ug 16 puntos uban sa iyang 11 ka rebounds ug upat ka blocks.

Mihimo’g 14 puntos si Monta Ellis alang sa Milwaukee kinsa mibawos sa ilang 106-113 nga kapildehan sa overtime batok sa Heat kaniadtong Nobiyembre 21.

Na-outscore sa Bucks ang Miami 35-14 sa fourth period.

Mi-iskor si Chris Bosh og 12 puntos alang sa Heat uban sa iyang 16 ka rebounds. (GGM gikan sa NBA.com)