CEBU, Philippines - Midaug ang Batzz Boys gikan sa barangay Casuntingan ug nagduwa ubos sa Codoy Village pinaagi sa pag-iskor og 55-51 nga kadaugan batok sa St. Paul College sa barangay Bakilid apan gipailawom kini sa protesta sa nagpadayong HoopStars’ Lord of the Rings - Battle of the Villages kaniadtong Biyernes sa gabii didto sa J Centre Mall sa dan A.S. Fortuna dakbayan sa Mandaue.
Sa laing duwa, gilubong sa San Vicente Village ang Springdale Titans gikan sa Lahug sa iskor, 93-79.
Hisakpan ang Codoy Village nga nagpasulod og duha ka players nga wala sa orihinal nga listahan. But it needed another win in their encounter last night against Briza Subdivision, hoping Bridgeville in the other game bowed last night to the Titans in the series presented by Jonie’s Flavored Chicken, Dunkin’ Donuts and Dragon Fireworks at J Centre Mall.
Mipakanaug dayon og hukom ang HoopStars commissioner nga si Cerwin T. Eviota nga ang barangay Bakilid maoy opisyal nga midaug sa duwa ug maoy nakakuha sa no. 2 spot ug maoy makigsangka sa third seed sa maong torneyo ubos sa 19-under adult open category.
Sa miaging pipila ka adlaw, hisakpan sab ang Hermag Village nga mipasulod og tulo ka commercial players nga wala sab sa orihinal nga listahan.
Sa sayo pa, midaug ang Greenhills batok sa Bakilid I- Benedicto College, 66-54 alang sa ilang sagunson nga ikalimang daog ug naghupot na karon og 5-0 nga baraha.
Mibahug og 25 puntos si Wisdom Ceniza aron pangulohan ang Greenhills ug ang 19 puntos niini iyang gihimo didto sa fourth quarter.
Sa laing bahin, si Joaquim Giacobe Go maoy nangu sa San Vicente pinaagi sa iyang 31 puntos samtang si Paul Sanchez midugang og 13 puntos.
Ang Springdale gipangulohan ni Marlove Alquizar kinsa miposa sab og 25 puntos.
Sa higayon nga modaug ang San Vicente nga gipaluyohan sa AirPhil Express, sila maoy makigsangka batok sa Panagdait atol sa playoff karong adlawa.