Lycans miabante semis sa PICPA hoop

CEBU, Philippines -  Nasakmit sa R.P. Mora-Lycans ni Atty. Reiner Mora ang  katapusang luna sa semifinals human ilang gitaktak ang BCH Martins, 77-66 Philippine Institute of Certified Public Accountants (PICPA) basketball tournament 2012 sa miaging gabii didto sa Capitol Parish gym sa Escario st., ning siyudad.
 Ang Lycans makig-uban sa laing tulo ka semifinalists nga mao ang UC-PICPA, Hoopers ug   IBP-Gwapo.
 Naglabaw unta ang BCH Martians og 11 puntos, 21-10 sa first period sa mainitong tandem nilang Dondon Ibo ug Art Flores, apan ang Lycans mipatuman sa ilang hugot nga depensa nga  nakapausab sa dagan sa duwa.
 Ang Lycans milusad og 20-10 run sa second quarter aron mosikit ang iskor, 30-31 kortesiya nilang Benedict

Bandala ug Michael Jumuad.
 Mipatuman ang Lycans og "man-to-man" defense sa fourth quarter aron makapugos og mga turnovers ang Martians, kinsa katapusang nilabaw sa iskor nga 47-42 sa third period.
 Ang triumvirate nilang Bandala, Jumuad ug Mardy Dingal maoy rason nganong nahitabo ang krusyal kaayong

come-from-behind nga kadaugan.
 Si Bandala mirehistro og 13 puntos aron pangulohan ang Lycans. Laing upat niya ka teammates ang miiskor sab og double figures.
 Silang Dondon Ibo ug Art Flores maoy nangu sa Martians nga nagkumboya og 32 puntos. 

PUNTOS MATAG USA

 LYCANS (77) - Bandala 13, Cadampug 11, Dingal 11, Jumuad 11, Ompad 10, Lofranco 6, Padios 4, Lim 4,

Supilanas 4, Mora 3
 
 MARTIANS (66) - Ibo 19, Flores 13, Alejandre 12, Catingub 10, Davis 8, Endrina 3, Oliveros 1 (BANAT SPORTS)