Hotel, Charlie 3-1 sa standing

CEBU, Philippines -  Temporaryong nagsawo sa liderato ang team Hotel ug Charlie team human mikulit og managlahing daog batok sa tagsa-tagsa nilang kaatbang sa 2nd season sa Center Katipunan A. Lopez open court sa barangay Labangon, ning siyudad.

Gilubong sa team Hotel sa pagpangulo ni Kelvin Cinco ang  Foxtrot sa iskor nga 91-78, samtang ang Charlie ubos sa ilang skipper nga si Coronel Baculio mipukan sa Alpha team, 82-71.

Tungod sa ilang kadaugan, nagtabla karon sa unang puwesto ang Hotel ug Charlie nga nagbitbit og  3-1 nga baraha.

Human magtabla sa first period, 26-all, mipahungaw sa ilang kainit ang  Hotel sa sunod nga kuwarter diin ilang na-outscore ang Foxtrot, 30-17 aron moposte og 13 puntos nga labaw, 56-43  sa tandem nilang Dennis Saceda ug Cinco.

Si Saceda maoy nangu sa Hotel nga miburak og 31 puntos, gisundan si Mario Dosal sa iyang 19 puntos, samtang si Cinco miamot og 10 puntos.

Ang Foxtrot gipangulohan ni Moises Craso sa iyang game-high 36 puntos.

Sa laing duwa, silang Baculio ug Estoy Panerio maoy nangu sa Charlie sa ilang 20 ug 19 puntos, matag usa.

Ang napildeng Alpha gipangulohan nilang Kenneth Beltran, Danny Desuyo ug Allem Templa nga pulos miiskor og double figures.  (BANAT NEWS)

PUNTOS MATAG USA

Unang duwa:

HOTEL (91) - Saceda 31, Dosal 19, Cinco 10, Tautho 8, Valderama 7, Crauz 6, Navales 4,  Delos Reyes 4, Elmido 2

 FOXTROT (78) - Craso 36, Zafra 14, Tabasa 13, Gutang 7, Lazaga 6, Delos Reyes 2

Ikaduhang duwa:

CHARLIE (82) - Baculio 20, Panerio 19, Gubaton 15, Do. Panugaling 8, Bacho 6, Soco 4, Dolera 4, Enchong 2, Da. Panugaling 2, Molejon 2

 ALPHA (71) - Beltran 14, Templa 13, D. Desoyo 13, Tabasa 11, Navares 10, Cabalda 6, Lawrence 2, E. Desoyo 2