B.C. Hortelano & Co. chessfest sa Colonnade
CEBU, Philippines - Gibana-banang mokabat ngadto sa P10,000 nga ganting salapi ang giandam alang sa mga mananaog sa B.C. Hortelano & Co. Open Chess Tournament karong weekend diha sa Colonnade Mall Activity Center sa dalan Colon, ning siyudad.
Mokampiyon sa duha ka adlaw nga torneyo nga gipasiugdahan sa Cebu Chess Association (CAA) mobulsa og P5,000, ang second placer makadawat og P3,000, samtang ang third placer makaangkon og P1,000.
Ang mopahiluna gikan sa ikaupat hangtod sa ikanapulo nga dapit makadawat og consolation prize nga P200 matag usa.
Ang torneyo nga gipaluyohan ni Benjamin C. Hortelano, usa ka Certified Public Accountant (CPA), mosubay ang torneyo og 7-round Swiss system format.
Ang duwa sa Domingo unya pa sugdan sa alas-2 sa hapon aron hatagan og higayon ang mga partisipante sa pagtan-aw sa ikaupat nga sangka nilang Manny Pacquiao ug Juan Manuel Marquez.
Ang organizers modawat og on-site registration.
Alang sa dugang mga pakisayod, mahimong mokontak ni international arbiter Marvin Ruelan sa 0926-7352951. (BANAT SPORTS)
- Latest
