CEBU, Philippines - Opisyal na nga miabante sa semifinals ang IBP-Gwapo ni skipper Bads del Prado human nila gilubong ang ilang igsuong koponan IBP-B, 82-68 sa nagpadayong Philippine Institute of Certified Public Accountants (PICPA) 2012 basketball tournament didto sa Capitol Parish gym sa dan Escario.
Gikan sa luyahon nga pagsugod, nagmangtas ang IBP-Gwapo sa fourth period diin miposte sila’g 14 puntos nga abante aron hingpit maangkon ang unang luna sa semifinals.
Si Del Prado maoy nangu sa iyang team human siya moposa og 20 puntos, samtang si Manny Baguio midugang og 16 puntos.
Silang Barry Busi ug Tony Liston nagkumboya og 23 puntos alang sa IBP-Gwapo.
Si Kirby Raboy mao usab ang nangu sa IBP-B sa iyang 26 puntos, gisundan nilang Jarred Cabilte ug Benjo Macion nga miiskor og 11 puntos matag usa.
PUNTOS MATAG USA
IBP-GWAPO (82) - Del Prado 20, Baguio 16, Busi 12, Liston 11, Villamor 8, Narido 6, Lagahit 4, Calipayan 3, Riveral 2
IBP-B (68) - Raboy 26, Macion 11, Cabilte 11, Manching 7, Craus 6, Geotina 5, Abcede 2 (BANAT SPORTS)