CEBU, Philippines - Ang Carmen Copper Corporation (CCC) Builders ug UV Green Lancers mosuway pag-abante sa finals sa ilang sangka batok sa tagsa-taga nilang kaatbang sa crossover semifinals sa 3rd Mayor Rudy Espinosa Cup basketball tournament karong gabii didto sa Marcelo Barba Sports Complex sa Toledo City.
Ang modaog maoy magbagat sa finals ug ang mapilde maoy mag-ilog alang sa ikatulong puwesto.
Ang topseed nga CCC Builders makigtakus sa USC Warriors ni coach Julian Macoy, samtang no. 2 seed nga UV Green Lancers makigsangka sa Mc Mae Water Refilling Station.
Ang champion makadawat og P100,000, ang second placer P70,000, ang third placer mobulsa og P50,000, samtang ang fourth placer makaangkon og P30,000. (BANAT SPORTS)