CEBU, Philippines - Midaog dayon sa duwa ang Teams B, C ug F sa pagbukas sa Center Katipunan A. Lopez Christian Organization (CEKALCO) 2012 Christmas basketball tournament didto sa A. Lopez open court, ning dakbayan.
Unang gisubha’g daog ang Team B, kinsa miiskor og 81-78 nga kadaugan batok sa Team H. Nisunod ang Team C human makaipsot batok sa Team E, 74-70, samtang ang Team F mikulit og daog batok sa Team A sa iskor nga 68-57.
Naglabaw ang Team H gikan sa pagsugod hangtod sa third quarter sa pagpangulo sa ilang pointguard nga si Michael Cinco, apan mi-rally ang Team B sa fourth period aron moiskor og daog.
Silang Danny Tenchavez ug T. Maspinas parehong miburak og 16 puntos alang sa Team B, samtang si Dodong Desuyo midugang og 12 puntos.
Sa laing bahin, si Richard Gubaton mikabkab og 32 puntos aron pangulohan ang Team C, samtang ang Team E gipangulohan usab ni Nelson Solana, kinsa miposa og 14 puntos, gisundan ni Jessie Villarosa nga adunay 13 puntos.
PUNTOS MATAG USA
Unang duwa:
TEAM C (74) - Gubaton 32, Besties 17, Bacho 10, Soco 8, Dolera 5, Ensong 2
TEAM E (70) - Solana 14, Villarosa 13, Catong 12, Desoyo 8, Aspera 6, Yoma-oy 6, Macalisang 6, Dianon 3, Romarez 2
Ikaduhang duwa:
TEAM F (68) - Moises 18, Lazaga 13, Zafra 9, Sumalinog 8, Elmido 6, Yockiks 6, Efren 5, Delos Reyes 2, Panugaling 1
TEAM A (57) - Beltran 29, Desoyo 13, Tabasa 12, Templa 6, Billones 4, Cabalda 2
Ikatulong duwa:
TEAM B (81) - Tenchavez 16, Maspiñas 16, Desoyo 13, Arnibal 12, Maboles 9, Arnaiz 6, Castro 7, Billones 3, Perino 2
TEAM H (78) - Cinco 36, Dosal 15, Bhords 7, Naverez 6, Valderama 6, Saceda 5, Delos Reyes 3 (BANAT SPORTS)