CEBU, Philippines - Kulbahinam nga sangka ang mahitabo sa pagsugod sa "best-of-three" semifinals sa Lapu-Lapu Sports Club (LLSC) basketball tournament 2012 didto sa Crown Regency basketball court sa barangay Gun-ob, Lapu-Lapu City.
Sa pasiunang duwa sa alas-7 sa gabii, magtigi ang Rulls Home Bakeshop ni Ruper Canizar batok sa Roro Transport ni Roilan Sumilang.
Samtang ang Orya Farms/Comfa General Merchandise nilang Elly Gomos ug Roger Ompad ug ACP Megabond ni Neil Belga magsangka sa main game sa alas-8 sa gabii diin ang modaog maoy mag-abot sa Bracket-A "best-of-three" finals.
Ang modaog moharong sa mokampiyon sa Bracket-B alang sa LLSC Finals. (BANAT NEWS)