Cuban champion isunod ni Donaire
MANILA, Philippines - Gikompirmar ni Top Rank Inc. CEO Bob Arum nga ang Cuban champion nga si Guillermo Rigondeaux maoy sunod sangkaon ni Filipino boxing superstar Nonito Donaire alang sa usa ka unification bout sunod tuig.
Ang WBA super bantamweight champion nga si Rigondeaux maoy makigharung ni WBO ug WBC diamond champion Donaire kinsa gipaabot usab nga modepensa una sa iyang bakus batok ni Mexican Jorge Arce sa Disyembre 15.
"Rigondeaux would end up fighting the winner of Donaire-Arce," matud pa ni Arum sa RingTV. “Donaire-Rigondeaux is seen as battle between today’s best super bantamweights.”
Miingon si Arum nga kun mudaog si Donaire ni Rigondeaux, mahimo nang ipadayon sa Fil-American boxing champion ang iyang laraw nga musaka sa mas bug-at nga timbang aron ipadayon ang iyang misyon nga mahimong multiple world champion.Si Rigondeaux dugay nang sige og panghagit ni Donaire, apan ang giuna ni Donaire ang mas sikat nga boksidor sa iyang dibisyon. (BANAT)
- Latest
