CEBU, Philippines - Nagtabla karon sa 6-1 nga baraha ang Pecandela Law Firm-Primary Homes ug ang Pañeros human sila parehong midaug batok sa tagsa-tagsa nila ka kaatbang kaniadtong Sabado sa nagpadayong elimination round sa 9th season sa Integrated Bar of the Philippines (IBP) 2012 basketball tournament didto sa Capitol Parish gym sa dan Escario, ning dakbayan.
Gilubong sa Pecandela ang Dissenters sa iskor 81-54 samtang gipukan sa Paneros ang defending champion Super Idols.
Nagtabla ang Pecandela ug Dissenters sa iskor 21-all sa first period apan nakahuygo ang Pecandela didto sa second ug third period ug naka-inat og maayo didto sa fourth period ginamit ang 33-9 nga scoring run.
Ang gamitoy nga pointguard nga si Jessie Capoy maoy nangu sa Pecandela sa iyang 25 puntos ug midugang si Francis Pepito og 18 puntos.
Ang kanhi UC Webmasters skipper nga si Kenneth Kern Sesante maoy nangu sa 4-3 nga Dissenters sa iyang 21 puntos samtang miamot si Giovanni Sususco og 12 puntos.
Sa laing duwa, gisanta sa Pañeros ang uwahing rally sa Super Idols human nila ma-outscore ang ilang kaatbang, 21-10 aron inaton ang ilang baraha ngadto sa 5-2.
Silang Bert Ruaya ug Ruel Juban maoy nangu sa Pañeros sa ilang 16 ug 13 puntos matag usa samtang misuporta sab sa opensa silang Jarred Cabilte ug Michael Molde sa ilang 12 puntos, matag usa.
Sa laing bahin, mihakot og 14 puntos si Benjo Macion aron pangulohan ang Super Idols samtang si Fermin Pepito midugang og 11 puntos.
Sa sayo pa, midaug ang Bhutakalz (kanhi YLAC) ni playing coach Cris Ang sa iskor, 74-70 batok sa Los Demonyos aron moposte'g 3-5 nga baraha.
Ang mainit nga tandem nilang Van Ligutan ug Resty Arnaiz maoy naghatag og dugang espiritu ngadto sa Bhutakalz.
Si Ligutan maoy nangu sa Bhutakalz sa iyang 19 puntos samtang si Arnaiz midugang og 15 puntos.
Silang Lito Ortiz ug Richard Bauzon maoy nangu sa 3-5 nga Los Demonyos sa ilang 17 ug 13 puntos matag usa.
Puntos matag usa:
First Game:
BHUTAKALZ (74)- Ligutan 19, Arnaiz 15, Ang 10, Guieb 8, Gealon 6, Prieto 5, B. Velez 5, Hupp 3, Verallo 2, Remedio 1.
DEMONYOS (70)- Ortiz 17, R. Bauzon 13, E. Bauzon 10, Flores 7, Mañuz 6, Del Prado 5, Pintor 4, Bragat 4, Yap 2, M. Velez 2.
Second Game:
PECANDELA (81)- Capoy 25, Fr. Pepito 18, Yu 13, Malazarte 10, I. Gamallo 8, Tenefrancia 3, Tomaodos 2, Godornes 2.
DISSENTERS (54)- Sesante 21, Sususco 12, Ma. Sarno 7, Mi. Sarno 5, Dela Cerna 4, Estella 3, Amores 2.
Third Game:
PAÑEROS (69)- Ruaya 16, Juban 13, Cabilte 12, Molde 12, Calipayan 5, Retuya 5, Ordeniza 2, Busi 2, Manching 2.
IDOLS (56)- Macion 14, F. Pepito 11, Sumampong 8, Pequero 6, Arrabis 5, Santiago 4, Heyrosa 2, Quijano 2, Salubre 2, B. Pepito 2. (BANAT SPORTS)