Pagpamalandong matag Domingo Kun walay makitang bunga

Maayong Balita

Ang atong Ginoo gipangutana kun ang mga tawo nga natumpagan sa Tore ug sila nga gipamatay ni Pilato ang maisip ba nga pinakadautan gumikan sa ilang gidangatan.

Dili sila dautan apan ang atong Ginoo niklaro nga kun ang mga tawo nga dili mag-usab ang mahimong makasinati usab sa ingon. Kini tungod kay sa katapusan ang Dios mangita sa bunga sama sa tag-iya sa parasan.

Kasinatian

Ang Dios dili buot sa kamatayon sa usa ka tawo nga makasasala. Ang hardinero nihangyo nga hatagan og lugway sa dili pa kini putlon. Kubkobon kini ug abunohan sa pamasin nga makahatag kini og bunga.

Ug kun wala gyud kini mahatag anha pa kini putlon ug isugnod sa kalayo ang mga sanga niini.

Lihok

Ang atong sala murag tinulo apan ang kalooy sa Dios murag dagat. Apan wala kini magpasabot nga kita mag-abusar. The greatest apology is a reformed life ingon tang pulonga.

Pangamuyo

Tanan: Ginoo nakasala kami kanimo. Pasayloa kami, ayaw kami siloti gumikan sa imong katarong hinunoa diha sa imong gugma ug grasya bag-oha kami aron mahimo kaming takus ug angayan nga moalagad kanimo sa hingpit. Ikaw nga buhi ug hari hangtud sa kahangturan. Amen.