“Milagro, pribadong  pagpadayag, ug mga aparisyon” Katapusang gula

Giluwatan kini niadtong Pebrero 25, 1978 sa Congregation of the Doctrine of the Faith. Mahimong pangitaon kini diha sa internet: http//www.miraclehunter.com/marian apparitions/discernment/index.html.

Mga pastoral nga sugyot alang sa mga kaparian

1. Samtang padayon pa nga gihimo ang imbestigasyon ug pakisusi kun tinuod ba ang Milagro o ang aparisyon sa maong lugar, ginadili una ang pagsaulog sa mga Santos nga Misa o mga Sakramento sanglit naghatag kini og sayop nga mensahe kun impresyon alang sa mga tawo nga dali ra kaayo mailad kun malimbongan. Nagtuo sila nga gidasonan sa simbahan kining maong aparisyon o milagro.

2. Gikinahanglan ang pagkamaalamon ug pagkamabinantayon alang sa mga mga kaparian. Ang mga obispo sa laing bahin gikinahanglan usab nga mamahimong magmaigmaton.

3. Kun ang mga panghitabo nga kuno supernatural nakamugna dihadiha og debosyon, o kulto. Ang ordinaryo lokal ang adunay seryosong kaakuhan sa pagtan-aw ug pagsusi niini uban ang pagkugi ug dili diha sa kalangay.

4. Kun ang hingtungdan, modangop sa simbahan ug dili tinukmod sa katuyoang personal, mahimong manginlabot ang obispo ug mga kadagkoan sa simbahan manginlabot sa mga namugna nga mga debosyon gikan sa panghitabo.

Apan wala kini magpasabot nga giuyonan na sa Simbahan ang giisip sa mga hingtungdan nga “panghitabo nga supernatural.” (preliminary note c).

5. Sugo sa pastoral ug doctrinal nga kaakuhan, ang Simbahan mahimong manginlabot motu propio aron sa ingon mapugngan ug mahunong ang bisan unsang abuso diha sa pagbansay sa debosyon ingon man mapakgang ang mga sayop nga doktrina ug mapugngan ang pagkatap sa mga mini nga mga mistisismo. (Norms Apparitions II, 1-3).