Nakahinumdom na ba mo?

Tungod kay dali ra mo nga nakalimot, gipahinumdoman na mo. Si Presidente Bongbong Marcos Jr. na mismo ang nagpahinumdom ninyo.

Ang apilyedong Marcos gikasilagan ug gimaldisyon tungod sa pagpatay sa napulo ka libo ka mga inosenting  tawo, pagkatikasan, pagpangawkaw sa bahandi sa nasud ug pag abuso sa gahum ug tawhanong katungod ug pagpatay sa kagawasan sa katawhan sa nasud. Tungod sa pag abuso sa tawhanong katungod, ang mga Marcos gipabayad sa Swiss court og bilyones ka pesos.

Tungod sa pagkatikasan, abuso sa gahum, paglapas sa tawhanong katungod ug pagpangawkaw sa bahandi sa nasud, ang mga Marcos gipalayas ug wala na tugoti nga makapauli dinhi sa nasud bisan ang patay nga lawas sa diktador nga si Ferdinand Edralin Marcos Sr..

Gikan sa administrasyon sa inahan, Presidente Cory Aquino hangtod sa anak, Presidente Noynoy Aquino wala tugoti si Marcos Sr. nga makapauli sa Pilipinas. Lima ka Presidente sa Pilipinas ang wala motugot nga makapauli sa Pilipinas ang mga Marcos. Sila si Presidente Corazon C. Aquino, Fidel V. Ramos, Joseph E. Estrada, Gloria M. Arroyo ug Benigno Simeon C. Aquino III.

Si Presidente Rodrigo Roa Duterte lang ang mitugot nga makapauli dinhi sa nasud ang patay nga lawas sa diktador nga Marcos. Ang patay nga lawas sa diktador wala lang tugoti ni President Rodrigo Roa Duterte nga makapauli dinhi sa nasud, iya pa gyod kining gipalubong sa libingan nang mga bayani.

Karon, ang Presidente nga nagtugot sa Marcos Sr. nga makapauli sa Pilipinas ug nagpalubong niini sa libingan nang mga bayani ang gipadakop ug gitugyan ni Presidente Bongngadto sa mga kamot sa langyaw tungod sa kasong crimes gainst humanity.

Si kanhi presidente Duterte gitaral dili tungod sa pagpangawkaw sa salapi sa katawhan kun dili tungod sa iyang paglutos sa mga kriminal ug durugista. Dili sama sa dkaktador nga Marcos nga,gitaral ug gihokman nga sadan tungod sa pagpatay sa mga inosenteng sibilyan..

Karon, nakahinumdom na mo sa mga Marcos?