Senado dili magpalipat sa ka maro sa House

Anaa na sa kamot sa Senado ang bola sa impeachement batok ni Vice President Sara Duterte human gi-transmit sa Ubos Balay Balauranan dihang nakatigom sila og pirma sa mga sakop sa House.

Apan niungot kini human nakahukom ang Senado nga sa Hunyo 2 niining tuiga pa masugdan sanglit naka break pa ang Senado karon.

Kong nagminaro ang kongreso sa pagduso sa responsibilidad sa impeachment batok sa bise presidente, wala magpadala niini ang Senado kay matud pa lagi nganong giyak-an man sa House ang mga impeachment complaint sa taas nga panahon ug sa pinakalit kaayo ang ilang the move nga sa kataposang adlaw sa session nila giaksyonan.

Unya mas maro man ang Senado nga dili gustong himoong tigsalo sa bola gikan sa Ubos Balay Balauranan ilabi na kay hapit na ang eleksiyon kadtong mga kandidato maoy mokaligo sa kasuko sa mga supporters sa mga Duterte sa higayon nga magsugod na ang impeachment trial kay sila man ang mohukom kong sad-an o dili si Sara sa mga sala nga gipasangil batok kaniya.

Kahinumduman nga dihang nagmosyon si Senador Joel Villanueva nga sa Hunyo na himoon ang impeachment trial walay ni usa ka senador ang nisupak, nagpasabot nga niuyon silang tanan.

Bisan gani ang mga kritiko sa bise presidente wala man mobabag. Karon si Senate Minority Leader Koko Pimentel ug Senador Riza Hontiveros ayha na nagsabasaba nga kinahanglan nga mag-convene ang Senado aron himoon ang impeachment proceedings.

Asa man diay sila niadtong higayona sa pag mosyon ni Senador Villanueva?

Hugot ang baruganan ni Senate President Chiz Escuero nga naka-break sila ug dili mahimo ang impeachment trial bisan anaa kanila ang hurisdiksyon niini. Gawas lang kong mopatawag og special session ang Presidente Bongbong Marcos.

Dinhi gipakita sa Senado nga dili sila bastabasta magpalupig sa Lower House kay ang gihimo niini susama sa pagpanghunaw na daan nga kunohay nahimo na nika pag-impeach ang vice president ug naa na sa mga impeachment judges ang bola kong himoon nila ang ilang tahas.

Crucial kaayo kini nga mga lakang karon sa mga opisyal sa nasud ilabi na kadtong mga nagpapili sa umaabot nga eleksiyon kay nakadepende usab sa ilang performance sa impeachment process ang ilang kaugmaon, mamahimong makadaug sila o posibleng mapilde.  Sanglit ang impeachment proceeding usa ka politika nga proseso kay sa kataposan mopatigbabaw gyud kong unsa ang desisyon sa tawo o grupo nga naa sa likod niini. Kulba hinam ang mga mosunod nga panid niining political drama nga atong atangan.