Ania Ako, Ipadala Ako!

Maayong Balita

PEBRERO 9, 2025: Ikalimang Domingo sulod sa Tuig

Mga Pagbasa:  Is. 6;1-2,3-8/

Sal. 138/1 Cor. 15;1-11/Lk. 5;1-11

Ang atong Ginoo sa ebanghelyo karong Dominggoha ang nisugod pagtawag kanila nga iyang hmoong kaabag sa misyon sa pagpangluwas. Kasagaran kanila mga mananagat.

Si Simon Pedro kuyog sa ilang mga kaubanan ang naghago gyud tibuok gabii apan wala silay nakuha. Bisan pa man kun adunay nagpahipi nga pagduda sa mando ni Jesus nga magpalawod sila nituman gihapon sila niini. Si Simon Pedro natingala kay human nila tumana ang instruction sa atong Ginoo nakakuha sila og daghang mga isda. Nakaamgo si Simon Pedro sa iyang kahuyang ang nagkanayon: “Palayo kanako Ginoo! Usa ka ako ka Makasasala!” Apan ang atong Ginoo nitubag: “Ayaw kahadlok, sukad karon managat ka na og mga tawo!”

Kasinatian

Adunay mga seminaristas sa mga Archdiocesan Seminaries ang gipadala sa matag parokya aron pagpangumpaniya sa bokasyon sa pagkapari ug sa relihiyosong kinabuhi. Ang ilang presensiya nagmantala nga nagkakunhod na ang bokasyon. Gikinahanglan nila ang atong suporta ingon man mga pag-ampo.

Lihok

Gikinahanglan ang hugtanon nga pag-ampo alang sa mga bokasyon nga unta mamahimo ang atong mga kaparian nga mahiuyon sa kasingkasing sa atong Ginoong Jesus. Ang mga eskandalo ug mga salaod nga naglambigit sa atong mga kaparian timaan man nga sama sa uban sila usab tawo lamang. Apan bisan pa man niini dili kini excuse aron mosupak kun unsay gilatid sa atong Ginoong Jesus. Ato silang iampo, atong sabton apan sa laing bahin dili nato tugotan nga mahitumpawak sila ug kita sa bung-aw sa kalaglagan.

Pangamuyo

Ginoo Magpadala ka Unta  ug  mga balaang apostoles sa imong simbahan!