Bongbong nahagbong
Epektibo ang pagbulgar nila ni kanhi Presidente Rodrigo Roa Duterte (PRRD) ug Kongresman Isidro Ungab bahin sa 2025 Bicam report controversy, kay gitukob dayon ni PBBM.
Busa, sama kainit sa bag-ong lutong hotcakes, gilinyahan, gikuninitan ug gipasapasa dayon sa nagkadaiyang vloggers sa social media ug daw sama kapaspas sa fire forest sa California nga misunog sa mga matahom-mahalong balay sa sikat celebrities, ang nagdagang kalayo nga paingon nang motilap sa Malakanyang, natimahoan gilayon ni Presidente Bongbong Marcos Jr. (PBBM).
Ug ang kadali ra niyang nakakitag paagi aron dili maapil og kasunog.
Sa usa ka ambush interview, dihang gipangutana siyag unsay iyang ikasulti bahin sa 2025 Bicam report controversy nga gipabuto ni PRRD, tataw kaayong nagkapusngapusnga ug daw wala mahimutang si PBBM sa iyang gipangyawit-pamahayag:
“He is lying. He knows that you cannot pass a GAA with any blank…He is lying. He is lying because he knows perfectly well, that does not ever happen.
Sa kasaysayan sa buong Pilipinas, hindi pinapayagan na mayroong item ang GAA ng hindi nakalagay kung ano yong project at saka ano yong gastos, ano yong pundo. So, it’s a lie!”
Sila Rep. Raoul Manuel, Macabayan Bloc, ang GMA network nga nakapangayog kopya sa 2025 Bicam report ug Asher Cadapan Jr., UNTV reporter, mikompirmar nga ang kopyang gigunitan ni Kong. Ungab ug sa mga kopyang ilang nahuptan, pareho ra gayod, diin may porsiyon sa 13 ka blankong makita. Nan karon, kinsa ba ang namakak: si PRRD o PBBM?
Sa ambush interview pa lang, sipyat na daan si PBBM. Kay ang problemang gitudlo ni PRRD mao man ang Bicam report.
Pero ang gitubag ni PBBM, ang GAA. Ikaduha, ang Bicam report maoy basehan sa paghimog GAA. Giunsa man niya kini pag-usisa, nga wala man niya madiparahi ang mga blangko?
Samot na, kon may i-adjust pa siyang budget bisan giaprobahan na niya ang GAA. Kay matod pa sa mga tadhang abogado, usa ka mortal sin ground kini for impeachment.
Maong daghan nakaingon, ‘brayit gyod si PRRD. Ultimong 2025 Bicam report gihimo niyang laang batok sa mga politikong pasaway. Diin, puwerte gyong pagkahagbonga ni Bongbong!
Makabalik pa kaha siyag saka sa itaas?
- Latest
