Nahimong nabaniog karon ang hilisgutan kalabot sa mga deliverance sessions ingon man deliverance prayers. Daghang mga nangutana kanako kun unsay mga pag-ampo nga angayang amppoon ug pagadumalahon sa mga layko.
Alang nako mas mayo nga gamiton ang pag-ampo nga tinagik ni Tertulian usa sa mga bantugang mga amahan sa simbahan kun Fathers of the Church.
Pag-Ampo sa Kalingkawasan ni Tertulian Tertulian
Pangulo: Sa Ngalan ni Ginoong Jesu Kristo pahawa Satanas! Palayo kamo kanamo kamong mga dautang mga Espiritu sa garbo, kasuko, kasina, kalaog, kataspok, kaulag ug kahakog. Ayaw kami samoka! Kay kami gilukat sa Balaang Dugo sa among Ginoong Jesu- Kristo.
Tubag: Amen
Pangulo: Sa ngalan sa bulahang Birhen Maria nga nipigsat sa ulo sa bitin nga mao ang yawa, pahawa kamo mga dautang Espiritu bunga sa tunglo, yamyam, ug buyag, ug sa bisan unsang matang sa Mahika (nganli ang mga posibleng tinubdan).
Ayaw samoka bisan kinsa kanamo sukad karong adlawa sanglit ang asul nga kupo sa Mahal nga Birhen nagatabon man kanamo.
Tanan: Amen