Dunay dakong gintang ang henerasyon sa kabataan 40 ka tuig na ang nakalabay ug sa kasamtangang henerasyon karon. Mao nga usahay dili gyud sila magkasinabot sa mga butang tungod sa managlahi nilang salabutan sa mga butang.
Ang henerasyon kaniadto sama sa mga gipanganak tungatungang bahin sa 1970’s-1990’s matud pa sa usa ka tigpaniid makonsiderar nga maong pinaka-espesyal nga henerasyon sa tawo.
Kay gipakatawo sila sa panahon nga padung na og kalawos ang karaang henerasyon ug samtang nagkalambo na ang mga modernong teknolohiya apil na ang internet nga mao na karoy normal sa kinabuhi sa mga bag-ong henerasyon.
Gikan sa mga Boomers-1940s hangtud 50’s; Boombers II -1950’s hangtud 1960’s; ang Generation X gikan 1960 kutob 1980’s mao kini ang mga panahon nga taas na ang nahibaw-an sa mga tawo bahin sa kawanangan, siyensiya, nuclear, ug daghan pang uban. Ang henerasyon sa Gen Y o mga Millennials nga gipanganak og 1980’s hangtud tungatungang bahin sa dekada 90’s namat-an na ang mga bag-ong teknolohiya.
Sunod ang Gen Z o kadtong mga gipanganak gikan 1995 hangtud 2009 ug ang kasamtangang henerasyon karon nga gipanganak gikan 2010 hangtud 2024 nga mao ang pinakabata ug aktibo sa halos tanang nanghitabo sa modernisasyon ug teknolohiya sama sa artificial intelligence ug uban pa.
Apan sa tanan, walay makalupig sa Gen X, kay mao kini ang henerasyong nag-abot sang karaang tradisyonal u gang modernong panahon. Sila ang nakauna sa paggamit sa modernong mga gadgets gikan sa game stations, duwa og brick games, Super Mario , cassette, walkman, cellular phones, laptops, VHS, DVDs, Nintendo, PS4 ug uban pa.
Gitawag sila og “old school” kay nagdako sila nga kinahanglang maningkamot ug maninuod aron moasenso o makab-ot ang mga pangandoy.
Sagad kanila, importante ang edukasyon. Ang tanan nilang desisyon gibasi sa hustong salabutan basi sa tradisyon ug kabag-ohan, wala magsalig sa tubag sa mga pangutana. Dili sab sila reklamador kondili mainampingon lamang.
Sukwahi sa nahitabo sa ilang mga anak karon, ang Gen Y o Millennials ug Gen Z. Samtang naay nituo nga importante ang edukasyon, ang kadaghanan mas dako og pagsalig ilang diskarte ug inutok nga pamaagi. Mura sila og liguy og hunahuna apan wa magpasabot nga wala sila magpakabana, apan kinahanglan lang dili sila pasagdan